"ЗАЛУУЧУУДЫН БОДИТ ОРОЛЦОО БА ТҮНШЛЭЛ" сэдэвт хэлэлцүүлэг Зулзагын гол хүүхдийн зусланд 2017 оны 5 дугаар сарын 20-ны өдөр зохион байгуулагдлаа. Хэлэлцүүлэгт аймгийн төр, төрийн бус байгууллага, оюутан залуучууд, хөдөө орон нутгийн болон хөгжлийн бэрхшээлтэй залуусын төлөөлөл 60 залуучуудыг хамруулж, залуучууд сайн дурын оролцоогоороо Дархан сумын Ахмадын холбоотой хамтран мод тарих аянд нэгдэн мод тарьж оролцсон сонирхолтой хэлбэрээр зохион байгуулагдлаа. Хэлэлцүүлгээр залуучууд өөрсдийн бодит оролцоонд тулгуурлан, шийдвэр гаргагчидтай хамтран ажиллах түншлэлийн загварыг бий болгох талаар Асуудал, Шийдэл, Түншлэл өртөөг зохион байгуулж, өөрсдийн санал бодол, дуу хоолойг илэрхийлсэн юм. Тус хэлэлцүүлгээс гарсан санал зөвлөмжийг Гэр бүл, хүүхэд, залуучуудын хөгжлийн газрын дарга А.Амгаланд гардуулж, 2017-08-25-нд Улаанбаатар хотод болох Залуучуудын иргэний нийгмийн гуравдугаар чуулганд хэлэлцүүлгээс гарсан саналыг хүргэж дуу хоолой болон оролцохоор аймгийн залуучуудын зөвлөлийн төлөөлөл Шүрэнцэцэг, Хонгор залуучуудын холбооны төлөөлөл Хишигбаатар, төрийн байгууллагын төлөөлөл 11-р сургуулийн багш Энхбат, төрийн бус байгууллагын төлөөлөл Ууганбаатар нар санал хураалтаар сонгогджээ.