ӨНӨӨДӨР: ХУГАЦАА ХЭТЭРСЭН ЗЭЭЛИЙН ХЭМЖЭЭ БУУРЧЭЭ

Энэ оны эхний хагаст хугацаа хэтэрсэн зээлийн хэмжээ 800 орчим тэрбум төгрөг болж, өмнөх сараас 14.3, жилийн өмнөх үеэс 4.2 хувиар багассан байна. Энэ нь нийт зээлийн 6.2 хувьтай тэнцэж буй гэсэн үг. Ийнхүү хугацаа хэтэрсэн зээлийн хэмжээ сүүлийн хоёр жилийн доод хэмжээнд хүрлээ. Уг үзүүлэлт энэ оны хоёрдугаар сард нэг их наяд 50 тэрбум төгрөгт хүрч, нийт өрийн 8.3 хувийг эзэлж байсан бол одоо 250 орчим тэрбум төгрөгөөр хумигджээ. 2015 оноос тасралтгүй өсөж эхэлсэн хугацаа хэтэрсэн зээл тогтворжин, улмаар буурах хандлагатай болж эхлэв.