Аймгийн ИТХ-ын Тэргүүлэгчдийн хурлаар /2017.11.15/ аймгийн ИТХ-ын 7 дахь удаагийн сонгуулийн ээлжит 9 дүгээр хуралдааныг 2017 оны 12 дугаар сарын 01-нд хуралдуулахаар шийдвэрлэв.
Тус хуралдаанаар “аймгийн ИТХ-ын Төлөөлөгчдийн бүрэн эрхийг зөвшөөрөх тухай”, “Аймгийн ИТХ, Тэргүүлэгчдийн 2017 оны ажлын тайлан”, “Аймгийн Засаг даргын үйл ажиллагааны хөтөлбөрийн хэрэгжилтийн явц”, “2016 оны төсвийн гүйцэтгэл, аймгийн 2017 оны төсөвт тодотгол хийх тухай”, “Аймгийн эдийн засаг, нийгмийг 2017 онд хөгжүүлэх зорилтын биелэлт, 2018 оны зорилтын төсөл”, “Аймгийн 2018 оны төсвийн төсөл, аймгийн Аудитын газраас 2017 оны төсвийн тодотгол”, “2018 оны төсвийн төсөлд өгөх санал, аймгийн ИТХ-ын Өмч, төсөв санхүү, эдийн засаг, гадаад бодлого хяналтын хорооны дүгнэлт” зэрэг асуудлыг хэлэлцэх юм. 
