Өнгөрсөн онд Футзаалны Улсын аварга шалгаруулах тэмцээнийг анх удаа орон нутагт буюу Дархан-Уул аймагт амжилттай зохион байгуулж, энэ үеэр Монголын хөл бөмбөгийн холбооноос аймаг, орон нутгийн удирдлага, спортын холбоодын хамтын ажиллагааг сайшаахын зэрэгцээ Дэлхийн хөл бөмбөгийн холбооны дэмжлэгтэйгээр 500,0 сая төгрөгийн үнэтэй 2 “Мини хөл бөмбөгийн талбай”-г олгохоор шийдвэрлэсэн. 
Уг Мини хөл бөмбөгийн талбайг Ерөнхий боловсролын сургуулийн гадаа байршуулах ба аймгийн Засаг даргын орлогч А.Түвшинбат байршлыг тодорхой болгох зорилгоор 1, 15, Оюуны ирээдүй цогцолбор сургуулийн биеийн тамирын талбайг үзэж танилцлаа. 
Энэхүү Мини хөл бөмбөгийн талбай байгуулагдснаар хүүхэд залуучуудын бие бялдарын хүмүүжил, ёс суртахуун, чөлөө цагаа зөв боловсон өнгөрүүлэх, авьяас чадварыг нээн илрүүлэх, амжилттай баг хамт олон бүрдүүлэх төдийгүй манай аймгийн баг тамирчид хөл бөмбөгийн спортын амжилтаар улсад тэргүүлэх боломжийг бүрдүүлэх явдал юм