Хүн амын дунд түгээмэл тохиолдож байгаа халдварт бус өвчлөлийг эрүүл зөв хооллолтын тусламжтайгаар бууруулах, зохицуулалттай хүнсний хэрэглээг нэмэгдүүлэх зорилгоор эрүүл зөв хоолыг эрхэмлэгч хүнс, хоол үйлдвэрлэгч байгууллагагурван сарын аян өнөөдрөөс эхэлж байна. Манай аймгийн иргэдийн эрүүл мэндийн зан үйлийн төлөвшлийг судлахад хүн амын дунд тамхины хэрэглээ 45.5%, архи, согтууруулах ундааны хэрэглээ 36%, илүүдэл жинтэй, таргалалтын хувь хэмжээ 60,7% байгаа нь хүн амын дунд эрүүл мэндийн зөв хэвшил, дадлыг төлөвшүүлэх шаардлага байгааг харуулж байна. Тиймээс Дархан-уул аймгийн Эрүүл мэндийн газар, аймгийн Тогооч нарын холбоо, хоол хүнсний чиглэлээр үйлдвэрлэл үйлчилгээ эрхлэгчид, ресторан зоогийн газрууд хамтран эрүүл зөв хоолыг эрхэмлэгч байгууллага аяныг өрнүүлж байгаа ажээ.