Дархан-Уул аймгийн Онцгой байдлын газраас “Нуурын гүнд эрэн хайх, аврах ажиллагааны сургалт”-ыг өнөөдөр /2019.02.14/ Дархан сумын 2 дугаар багийн нутаг дэвсгэрт орших "Түшиг-Уул" ХХК-ийн Хиймэл нууранд зохион байгууллаа.
Уг арга хэмжээнд аймгийн ИТХ-ын дарга Г.Эрдэнэбат болон хууль хяналтын байгууллагын удирдлагууд оролцлоо.
Болзошгүй аюулт үзэгдлийн үед гамшгаас хамгаалах алба, мэргэжлийн анги, ОБГ-ын бэлтгэл бэлэн байдал, салбар дундын хамтын ажиллагааг сайжруулах хүрээнд:
- Хээрийн радио станцыг ажиллагаанд бэлдэх
-Ослын талбайн гадна хамгаалалтад авах
-Буцалтгүй нэрвэгсэдийг нуурын гүнээс гаргах
-Нэрвэгдэгчдэд эмнэлгийн тусламж үйлчилгээг үзүүлэх
-Нэрвэгдэгчийг зөөвөрлөх ажиллагаа
-Нэрвэгдэгчдийн сэтгэл зүйг дэмжих үйл ажиллагааг явуулан, дулаан байр, хоол хүнс, хувцасаар хангах
-Живсэн авто машинд холболт хийж татан гаргах
-Хэрэг учралын газар, хэрэг бүртгэлийн үйл ажиллагааг явуулах зэрэг үзүүлэх сургалт, дадлага ажлууд явагдлаа.