Алдарт эхийн 1,2 дугаар одонгоор шагнадсан эхчүүдэд одон гардуулах ёслолын ажиллагах 2021 оны 05-р сарын 30 өдөр болов. Шагнал гардуулах ёслолын арга хэмжээнд МУ-ын Ерөнхийлөгчийн зөвлөх Я.Санжмятав, УИХ-ын гишүүн Х.Болорчулуун , Аймгийн иргэдийн Төлөөлөгчдийн Хурлын дарга М.Энхтөр, Засаг дарга М. Бадамсүрэн нар оролцлоо.
Эх үрсийн баярыг тохиолдуулан олон хүүхэд төрүүлж, өсгөн хүмүүжүүлсэн эхчүүдийг Монгол Улсын Ерөнхийлөгчийн 2021 оны 05 дугаар сарын 21-ны өдрийн 118 дугаар зарилгаар манай аймгаас "Эхийн алдар" Нэгдүгээр зэргийн одонг 33 ээж , Хоёрдугаар зэргийн одонг 279 ээж шагнуулжээ.
Коронавируст халдвар /COVID-19/ цар тахлын халдварын нөхцөл байдалтай холбогдуулан аймгийн онцгой комисс, мэргэжлийн байгууллагуудын хяналтад дор халдваргүйтэл, ариутгал хийж халдвар хамгааллын дэглэмийг баримтлан зохион байгуулав. Халдварын эрсдэлээс сэргийлэн хөдөө сумдын ээж нарт тухайн суманд нь эхийн одонг гардуулах ажээ.
