2021 оны 02 дугаар сарын 25-ны өдрийн аймгийн ИТХ-ын ээлжит III хуралдаанаас аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүн болон ажиллах журмыг шинэчлэн баталсан бөгөөд энэхүү шинэ бүрэлдэхүүнээр ээлжит хуралдаанаа зохион байгуулав.

Хуралдаанаар аймгийн ГХУСАЗСЗ-ийн шинэ бүрэлдэхүүн, ажиллах журам болон 2021 онд хийж хэрэгжүүлсэн зарим онцлох ажлуудын талаар танилцуулга хийж, аймгийн хэмжээнд гарч байгаа гэмт хэргийн гаралт, эрүүгийн нөхцөл байдал болон гэр бүлийн хүчирхийлэлтэй тэмцэх, урьдчилан сэргийлэх “Хамтарсан баг”-ийн үйл ажиллагааны талаар сонсгол хийв.