Монгол улсад Гэмт хэргээс урьдчилан сэргийлэх ажлыг зохицуулах зөвлөлийн ажлын албаны Гэмт хэргээс урьдчилан сэргийлэх ажлыг зохицуулах хэлтсийн дарга Г.Гантулга, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх хэлтсийн ахлах мэргэжилтэн, цагдаагийн дэд хурандаа Б.Батцоож, Хөдөлмөр, нийгмийн хамгааллын яамны Гэр бүлийн бодлогын хэрэгжилтийг зохицуулах газрын шинжээч Р.Нарантуяа нар Баян-Өлгий аймагт ажиллав.
Ажлын хэсгийнхэн тус аймагт ажиллах үеэрээ аймгийн ГХУСАЗСЗ, Цагдаагийн газар, Гэр бүл хүүхэд залуучуудын хөгжлийн газрын ажилтан албан хаагчидтай уулзалт зохион байгуулж, гэр бүлийн хүчирхийлэлийн гэмт хэрэг, зөрчлөөс урьдчилан сэргийлэх чиглэлээр зохион байгуулагдсан ажлуудын талаар мэдээлэл сонсож, нэг цэгийн үйлчилгээний төв болон түр хамгаалах байрны үйл ажиллагаа үйлчилгээнд хяналт, дүн шинжилгээг хийж ажиллаа.
Түүнчлэн Гэмт хэргээс урьдчилан сэргийлэх ажлыг зохицуулах зөвлөлөөс гарсан бодлого, шийдвэрийг аймгийн салбар зөвлөлийн үйл ажиллагаатай уялдуулан зохион байгуулах, цаашид хэрэгжүүлэх ажлуудын талаар санал солилцож ажиллав.
