Энэ хаврын "Бүх нийтийн мод тарих өдөр"-өөр аймгийн ИТХ, ЗДТГ-аас “Тэрбум мод” үндэсний хөдөлгөөний хүрээнд өнөөдөр (2023.05.19) Сагсай сум чиглэлийн ногоон хашаандаа мод тарив.
Мод тарих үндэсний хөдөлгөөнийг өрнүүлснээр дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангахад чухал ач холбогдолтой.
Тиймээс “Тэрбум мод” үндэсний хөдөлгөөнд ИТХ, ЗДТГ-ын хамт олон түүчээлэн нэгдэж, иргэд, төрийн болон төрийн бус байгууллагуудыг идэвх санаачилгатай оролцож, эх байгалиа хайрлан хамгаалах, мод тарьж ургуулах үйлсэд бодит хувь нэмрээ оруулахыг уриалж байна.
