АЙМГИЙН ИТХ-ЫН ТЭРГҮҮЛЭГЧДИЙН НАРИЙН БИЧГИЙН ДАРГА АБИЛХАНЫ ДАРИМХАН
1957 онд Баян-Өлий аймгийн төв Өлгий хотод төрсөн. 1965-1975 онд Өлгий хотын 1-10 жилийн дунд сургууль, 1975-1980 онд МУИС-ийг тээврийн инженер, эдийн засагч мэргэжлээр төгссөн. Эдийн засгийн магистр цолтой. 2001 онд Тайваньд засаг захиргааны чиглэлээр, 2002, 2009 онд Швед улсад НӨУБ, нутгийн удирдлага, менежментийн чиглэлээр, 2008 онд Вьетнам улсад төрийн албаны чиглэлээр тус тус 21-30 хоногийн сургалтад хамрагдаж мэргэжил дээшлүүлсэн.
1980-1981 онд Цагааннуурын Нефть баазад ерөнхий инженер, 1981-1990 онд аймгийн Тээврийг удирдах газарт үйлдвэрийн инженер, ерөнхий эдийн засагч, ерөнхий инженер, 1990-1992 онд 21-р авто баазын дарга, 1992-2000 онд «Тулпар» ХК-ийн захирал, 2000-2004 онд аймгийн иргэдийн Төлөөлөгчдийн Хурлын төлөөлөгч, 2001 оноос 2013 он хүртэл аймгийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд ерөнхий менежерээр ажилласан байна.