Баян-Өлгий аймгийн Иргэдийн Төлөөлөгчдийн Хурлын төлөөлөгчид өнөөдөр тус аймгийн Боловсролын газрын үйл ажиллагаатай танилцаж байна. Уулзалтын үеэр Боловсролын газрын дарга С.Хонаев байгууллагынхаа ажлын тайлан, хэрэгжүүлж буй хөтөлбөрүүд, салбарын бодлогын хэрэгжилт, тулгамдаж буй асуудлуудын талаар танилцууллаа.

Төлөөлөгчид боловсролын чанар, хүртээмжийг нэмэгдүүлэх, орон нутгийн сургуулиудын нөхцөл байдлыг сайжруулах талаар санал солилцож, боловсролын салбарт гарч буй амжилт, үр дүн, мөн хүндрэлийн шийдэлд хувь нэмэр оруулах арга замыг хэлэлцэж байна.

Тус уулзалт нь боловсролын салбарт хөрөнгө оруулалт нэмэгдүүлэх, багш ажилчдын орчин нөхцөл, сургалтын чанарыг дээшлүүлэхэд чухал ач холбогдолтой болж байна.