Энэ сарын 7-ны өдрөөс эхлэн улсын хэмжээнд мал тооллого эхэлсэнтэй холбогдуулан Дархан сумын Засаг дарга, Малчин багийн Засаг дарга нар сумынхаа малчдын аж амьдрал, өвөлжилтийн бэлтгэл байдалтай танилцлаа. "Ерөнхийдөө малчид өвс тэжээлээ базаасан байна. Гэхдээ Сумын ЗДТГ-аас өвөлжилт хүндэрсэн үед гаргах өвс тэжээл болон шаардлагтай үед зарцуулагдах шатахууны нөөцийг заасан хэмжээнд бүрдүүлсэн" гэж Дархан сумын Засаг дарга Б.Азжаргал ярьлаа. 2013 оны байдлаар Дархан сумын хэмжээнд 880 гаруй өрхийн 75 мянга гаруй толгой мал өвөлжиж хаваржихаар тоологдсон байна. Одоо мал тооллогын дүнгээр энэ тоо шинэчлэгдэх юм.