Дэлхий даяаршиж хотжиж, техникийн эрин зуун хөгжиж байгаа энэ үед бидэнд үндэсний соёл урлагаа хамгаалж үлдэх, үндэсний урлагаар дамжуулан хүнээ хөгжүүлэх асуудал тулгараад байна.
Манай аймгийн хувьд хүн амдаа хүртээмжтэй чанартай соёл, урлагийн үйлчилгээ үзүүлэхийн тулд цогц бодлоготой болох шаардлагтай байсан юм. Урьд нь соёл урлагийн тодорхой бодлого төлөвлөгөөгүй байсны улмаас мэргэжлийн боловсон хүчин дутмаг, үзэгчдийн гоо зүйн боловсрол дутагдалтай мөн хөрөнгө санхүүгээр шийдвэрлэх техник тоног төхөөрөмжийн олон асуудлууд яригддаг.
Иймд аймгийн БСГ-аас “Дархан-Уул аймгийн Соёл Урлагийн салбар байгууллагуудыг 2015-2021 онуудад хөгжүүлэх дунд хугацааны стратеги төлөвлөгөө”-г гарган 2015 оны 11 дүгээр сарын 26-ны өдөр аймгийн ИТХ-ын Тэргүүлэгчдийн хурлаар батлууллаа.
Энэхүү стратеги төлөвлөгөөг Монгол улсын Соёлын тухай хууль, “Соёлын өвийн тухай хууль”, “Төрөөс баримтлах соёлын бодлого”, “Монгол улсын Засгийн газрын 2012-2016 оны үйл ажиллагааны хөтөлбөр”, “Дархан-Уул аймгийн хөгжлийн цогц бодлого 2009-2021” –уудад үндэслэсэн бөгөөд уг “Дархан-Уул аймгийн Соёл урлагийн салбар байгууллагуудыг 2015-2021 онуудад хөгжүүлэх дунд хугацааны стратеги төлөвлөгөө” нь олон улсын жишигт нийцэхүйц уран бүтээл, урлаг соёлын үйл ажиллагаа, зохион байгуулдаг, үйлчилгээ үзүүлдэг орон нутгийн онцлог хэв шинж бүхий ХОЙД БҮСИЙН ТӨВИЙН ШИЛДЭГ СОЁЛ УРЛАГИЙН САЛБАР болоход чиглэгдсэн байна.
