Хуралдаанаар
Дархан-Уул аймгийн ИТХ-ын дахин сонгуулийн дүнгийн тухай болон аймгийн
ИТХ-ын Төлөөлөгчийн бүрэн эрхийг зөвшөөрөх тухай, Хороодын бүрэлдэхүүнд
өөрчлөлт оруулах тухай асуудлуудыг хэлэлцэн баталсан юм.
Хуралдаанд
“Дархан-Уул аймгийн ИТХ-ын дахин сонгуулийн дүнгийн тухай” аймгийн
Сонгуулийн хорооны дарга Ч.Энхбат, “Хороодын бүрэлдэхүүнд өөрчлөлт
оруулах тухай” аймгийн ИТХ-ын Тэргүүлэгчдийн нарийн бичгийн дарга
Р.Тунгалаг-Эрдэнэ нар тус тус илтгэлээ.
Монгол улсын Засаг
захиргаа, нутаг дэвсгэрийн нэгж, түүний удирдлагын тухай хуулийн 9
дүгээр зүйлийн 9.8, 18 дугаар зүйлийн 18.1.1-ийн “а”, 19 дүгээр зүйлийн
19.1, аймгийн Сонгуулийн хорооны 2016 оны “Санал хураалтын дүнгийн
тухай” 08 дугаар тогтоолыг тус тус үндэслэн аймгийн ИТХ-ын 2016 оны
дахин сонгуулийн дүнгийн дагуу А.Энхболд, Д.Гантулга, Б.Жавхлан,
Ч.Оюунчулуун, М.Мөнхбаяр, Д.Элдэвсайхан, Э.Дамдиндорж, А.Бадамнямбуу,
Б.Нямбаяр, Э.Азжаргал, Д.Батбаяр, Б.Эрдэнэтулга нарын Төлөөлөгчийн бүрэн
эрхийг дуусгавар болсонд тооцож, аймгийн ИТХ-ын Төлөөлөгчөөр сонгогдсон
Д.Элдэвсайхан, Б.Жавхлан, Т.Тулгаа, Д.Батбаяр, С.Ганзориг, З.Бадрал,
Б.Азжаргал, Д.Амарсанаа, С.Насанбат, Ч.Оюунчулуун, А.Бадамнямбуу,
Н.Лхагвасүрэн нарын Төлөөлөгчийн бүрэн эрхийг зөвшөөрч, аймгийн ИТХ-ын
тогтоолын төслийг баталлаа.
Үүний дагуу Хуралдаанаар дээрх шинэ Төлөөлөгчдийн үнэмлэхийг гардуулж, Төлөөлөгчийн эрхийг нь баталгаажуулсан юм.
