Дархан-Уул аймгийн нийт нутгаар өвөлжилт хүндэрч байгаатай холбогдуулж мал сүргийг болзошгүй эрсдэлээс хамгаалж, малчдад туслах, хандив цуглуулж мал маллагаанд хамгийн өргөн хэрэглэгддэг эд материалын дэмжлэг үзүүлэх зорилгоор аймгийн ИТХ-аас малчдад туслах “1000 төгрөг” аяныг санаачлан өрнүүлээд байна.
Энэхүү аянд одоогийн байдлаар төрийн болон хувийн хэвшлийн нийт 68 ААНБ, иргэн нэгдсэн бөгөөд өнөөдөр /2017.01.30/ аймгийн ИТХ-ын Тэргүүлэгч М.Жаргалсайхан, Г.Алтантуяа нар нэгдэж, мөнгөн тусламж болон малын нэмнээ хандивлалаа.
Аяны хүрээнд цугласан нийт хандив, эд материалыг 2 дугаар сарын 15-16-ны өдрүүдэд малчдад хүргэх бөгөөд Дархан-Уул аймгийн нийт малчдад бус харин малын тоо толгой бага, өрх толгойлсон, олон хүүхэдтэй, мал маллагаанд хүн хүч дутмаг зорилтод бүлэгт хамаарах малчин өрхүүдэд хүргэхээр зорьж байна.
