УИХ-ын Тамгын газар, Швейцарийн хөгжлийн агентлаг, НҮБ-ын Хөгжлийн хөтөлбөрөөс “Монгол Улс дахь Төлөөллийн байгууллагыг бэхжүүлэх нь” төслийг хамтран хэрэгжүүлж байгаа билээ.
Уг төслийн хүрээнд 2 дугаар сарын 2, 3-ны өдрүүдэд Нийслэлийн Чингэлтэй дүүргийн Иргэдийн Төлөөлөгчдийн Хурлын Төлөөлөгчдөд Үндэсний суурь сургалтыг амжилттай зохион байгууллаа.
Уг сургалтын хүрээнд “Иргэний оролцоо, иргэдтэй харилцах нь” сэдвээр Дархан Уул аймгийн ИТХ-ын Тэргүүлэгч, Үндэсний сургагч багш А.Янжмаа хичээл заасан юм.
Сургалтад оролцогчдыг баг болгон хуваарилж, холбогдох сэдвүүдийн дагуу хэлэлцүүлэг өрнүүлэх аргачлалаар явуулснаараа онцлогтой боллоо.
