Аймгийн Мэргэжлийн хяналтын газар нь “Эрүүл хүнс” сарын аяны хүрээнд өнгөрөгч долоо хоногт “Тээвэр Дархан” ХК-ийн Шинэ зах, Буян хүнсний захуудын махны чанар аюулгүй байдал хадгалалт тээвэрлэлтийн явцад холбогдох хууль дүэрм, стандартын хэрэгжилтэд хамтарсан хяналт шалгалт хийсэн байна. Шалгалтын үеэр махны лангуу андан, агуулах, мах зөөвөрлөдөг тэрэг зэргээс 37 арчдасын шинжилгээ авахад 18 буюу 48,6 хувь нь гэдэсний бүлгийн эмгэг төрүүлэгч илэрсэн байна.

Иймд илэрсэн зөрчлийг арилгуулахаар 10 заалт бүхий хугацаатай албан шаардлага хүргүүлжээ. Мөн Ижий хайдермаркет , Номин худалдааны төв, ОУХТ-үүдэд хэрэглэгчдэд чиглэсэн хүнсийг хэрхэн зөв сонгох вэ, хүнсний бүтээгдэхүүнийг шошголох, хүнсний бүтээгдэхүүний хадгалалт сэдвүүдээр сурталчилгааны ажил хийсэн байна.